L’artista, fotografo, pitôr e scultôr graisan Nico Gaddi al more sensa vizà nissun ai primi de marso 2022 col veva solo 65 ani. Fin’ te l’ultimo al se dà de fà int’un novo grando lavor e ‘l vive al sovo estro e passiôn pre l’arte.

Nico zè un artista co’ le mane de oro, bon de fà de duto che no l’à mai vogiuo e nol se à mai lassao strenze int’una sola condission de arte.

La sova “Botega”, comò che elo al ciameva al sovo “negosio” e casa dii lavuri in via Gradenigo ‘ntel borgo de fora de la vecia Gravo, zè ‘l sovo magico reame, comò che’l veva dito elo, cargo de creature marine e mitiche, inmasene, quadri, disigni e fotografie, un logo proprio incantào e incantesemao.

Anche se incuo la Botega de Nico la zè orfena, un ziro a pie per Gravo al te farà dà un vardo a duto quel che l’à fato comò artista.

Se veghemo Nico!