Cussì ‘l zè stao ciamao Nico Gaddi, che, comò nissun oltro, al sà fà sintì al foresto la maravegia de ‘l sovo Nio e del paluo.

Nico al zè inamorao de la “sova Isola”, Gravo, e del paluo. Gravo, la sova zente, Gravo vecio e ‘l paluo de ‘na parte, al mar, le ole, al vento, le maree, i corcai e le creature marine de l’oltra, le zè per Nico un nanbuol de idee sensa fin.

Gravo lo ingrebena comò che Circe la fazeva co’ Ulisse, anche se ogni tanto al sogneva ‘nde ndà via, de lassase duto drio, ma Gravo al zè senpre stao più forte.

Le sove fotografie le zè vere sensa inbrogi, anche se ‘l deve spetà per ore o zurni la luze bona, al momento giusto, “l’inmasene”, al “scato”.

Nico l’ zè – comò che’l dizeva elo – un’omo vecio stanpo, sensa inbrogi e onbrǐa, intiero. Drio i sovi ociai niri – squasi un toco de elo – al vardeva atento duto e duti, sensa che la zente la se acorzeva.