NICO
Nicolò Gaddi (Nico) al nasse a Gravo al 9 de otobre del 1956.
Nel 1979, quando al fà ‘ncora al cogo, al fà nasse a lai co oltri artisti al grupo dii “Pituri Graisani”.
Nel 1985, co’ l’agiuto del sovo amico Giuseppe Assirelli, Nico al scuminsia la profession de fotografo.
Quando al se incontra co’ l’incisôr Massimo Scifoni i vien fora la sova passion pre la grafica.
Al stanpadôr d’arte Federico Santino al zè per elo un faro anche per cresse ‘ntel sovo lavor.
Influensào dal aquarelista Melisenda Malison e del so’ frà al scultôr Gianfranco Malison, al slarga la sova produssion artistica anche inte la pitura, in particolar l’aquarelo e la scultura.
Al sovo cresse professional lo indrissa a fà “L’arte del revoco”, che al devenata al sovo “marchio de fabrica”.
Nico al more al 2 de marso 2022.
Al più belo “pinsier” a Nico dal sovo amico Mauro Marchesan:
L’ARTE DEL REVOCO
Nico ‘l à mane comò vate ‘l tò su i ligni che lassa le aque:
i suri e i culuri de le grisióle, i ciodi rùsini de le barche fondae.
Al tò su grèbini e carancanti, piere ciuciae da l’onda del sal.
Stichi, cane e ciari de luna, luse del sielo e stiàfe del mar.
Elo ‘l ingruma l’arte del revoco, del vento che reporta quel che xe stao,
di sighi di corcai carghi de fame, di visi arai da l’eternitae.
Nico ‘l à ‘l estro di veci marineri ch’i veghe ‘l paese vogâ stramàn,
ma i serca l’anema in duti i pinsieri consando ‘l sielo ‘nsieme col mar.
(di Mauro Marchesan)
